دق العُمُر بابي
 وانا وحدي
عم سَيْهر الذكرى
 ع المخدّة

ضوّيتلو شمعة
أنا والقلب
حدّو وقفتْ دمعة مسحتْ
نزلت على خدّي

قللي: شُبك؟
وين الفرح لون القزح
كنت ِ ما تتهدّي

ليكي الشمس
ليكي القمر
عدّي
صرلن دهر
قضوا عمر وردي

غفلة زمان
 ارتاح..
وسنينو بتعدّي
ومتل اللي بدي قول
ومتل اللي
 ما بدي

دَخْلك بقى
ياعُمْر وقف هون
اتركني
مع النسمة
مع البسمة
انشر عطر..كمشة شعر
خلي الحلا عندي

يمكن
 خجل من لهفتي
ووجدي
من حركتي
من ضحكتي
وردّي

سرّب.. مشي
قللي: اقطفي
نجوم الحرف
لا توقفي

وتمرجحت
 بين النجوم
أقطف سحر زور البدر
اسرق ضياه
وأكتفي

خلاني
 أتمرجح صبا
العب
 مع الكلمات
بوسا.. وليْعبا
أحلم مع فراشات
حلوة عاشقة
تطرّز حلم
ترقص ولا تهدّي

احمي خدود الورد
مِ التجريح
وضلّ حدّو
ت يزيح الريح
وضم
 حفنة من الحلا بيدّي

جولييت بدر – (رحلة عُمُر)- هذا الإميل محمي من السرقة عبر برامج السبام، تحتاج إلى دعم جافا سكريبت لتستطيع رؤيته

خاص: "نساء سورية"