لا تسرقوا مني الحلم خلوه بعيوني
بعاد وجفاكُن سيف ّعم يجرح جفوني

كان الحلم متل الندي
يسأسىء أمل
ويبتدي
بحلو الغزل
ياريت فيّي ياعمر
رجّع حنين الل اختفى
واللي بعهدو ما وفى
وارجعلو اتمختر متل نسمة صبا
وتِتلوّن حكايات
تِترَقوَص فراشات
تسكرعشق عَ تم  زهرات الربا
وترجع لشعري فورة جنوني 
ليش الحلم بيغيب
سهمي ماعاد يصيب
كيوبيد وحدو كان يحرسني
يغرز سهامو مليح
ويصدّ صوت الرّيح
صار الحزن
متل السجن
بمغارة يحبسني

كسّر سهامو الغدر
 حروَق  ضلوعو القهر
وتجَرْوَحوا الوردات
نزف الحنين ولوع
صوت العتب مسموع
عم يرفض الخيبات

يا ناطرين الوقت ليكو الوقت جايي
بس الوعد
 بيرَق رعد
 شمسو مخباية

رح تنمحي العتمة
وتنوّر البسمة
وتبلش مشاوير
عَ دروب العصافير
ونلملم النجمات
تَ نعمّد النهدات
بجرون الحكاية  وهيّي مضوّاية

---

خاص: "نساء سورية"