|
الجزيرة نت
|
|
2006-03-11 |
|
صفحة 1 من 4
مهمة خاصة- الجزيرة نت
اسم البرنامج: مهمة خاصة
مقدم الحلقة: كلود أبو ناضر
مصطلح أطفال الشوارع كلود أبو ناضر: حوالي مئة مليون طفلٍ في العالم يعيشون في الشارع، بينهم ما يقارب العشرة ملايين منتشرين في عشرة دول عربية, هذه التقديرات جاءت في تقرير اللجنة المستقلة للقضايا الإنسانية الدولية التابعة للأمم المتحدة, على مَن تُطلق عبارة أطفال شوارع؟ هذا المصطلح الذي اعتُمد في الثمانينات يُطبق على أطفالٍ يفتقدون أحد الأبوين أو يعيشون المشاكل الأسرية والفقر، الهرب من البيت للعيش في الشوارع هو الوسيلة للتخلّص من ظروف قاهرة فيقعون في مطبات حياة الشارع وذلّها, السرقة، التسول، تقديم الخدمات البسيطة، جميع الطرق تصبح متاحة لتأمين لقمة العيش. المؤسسة الإنجيلية للرعاية الاجتماعية والتأهيل ترعى هؤلاء الأطفال, وهي مؤسسة غير حكومية يديرها السيد جان عتر, وهو تبنّى إحدى الفتيات يعتبرها هبةً من الله، فأطلق عليها هذا الاسم, ولولا عطفه ورعايته لكانت اليوم هبة مشرّدة بين مثيلاها في الشوارع. جان عتر (مدير المؤسسة اللبنانية للرعاية الاجتماعية): من أربع سنين ثلاث سنين ونص الدرك جاب لنا طفلة عمرها شهر، كانت كتير مريضة, طبعاً عمر شهر ما فينا نسلّمها لمربّين، نحنا مدربينهم يتعاطوا مع عمر 7- 18، لذلك مرتي حبت إنو نحنا نربيها بالبيت وصارت بنتنا هلأ. كلود أبو ناضر: هبة. جان عتر: هبة. كلود أبو ناضر: ليه سميتها هبة؟ جان عتر: هبة نحنا إجتنا هبة قبل عيد الميلاد بيوم واحد, عشان هيك سميناها هبة من الله, وحقيقةً هي هبة من الله. الطفل بنام بالشارع بعيش بالشارع بشتغل بالشارع بصير الشارع هو بيته وحياته وبصير لذة إلو إنو يبقى بالشارع. علي الزين (مدير البرامج – منظمة الأمم المتحدة للطفولة): الفقر وتفكك الأسر وعدم وجود الدولة الراعية بالمعنى الحقيقي والشامل كما هو في بلدان متقدمة. كلود أبو ناضر: العاصمة اللبنانية تجذب هؤلاء الأطفال خاصةً خلال مواسم السياحة وفترات الأعياد, مما يدفع قوى الأمن إلى التشدد لإخفاء هذه الظاهرة وإلى مطاردة الأطفال في الشوارع واقتيادهم إلى مؤسسة الرعاية الاجتماعية الوحيدة من نوعها في الشرق الأوسط. جان عتر (مدير المؤسسة اللبنانية للرعاية الاجتماعية): ما بيعرفوا أبسط قوانين الحياة اللي هي كيف يفوت على الحمام؟ كيف يتحمم؟ كيف ينظف نفسه؟ يعني هادي الإشيا بنعتبرها نحنا إشيا بديهية، نحنا بتاخدنا 3 أشهر لنعلم طفل الشارع هالإشيا هاي.
أطفال في شوارع بيروت
كلود أبو ناضر: التقينا هؤلاء الأطفال وفتحوا لنا قلوبهم وتحدثوا إلينا. كلود أبو ناضر: محمد إنت قلت لي عمرك 13 سنة ما هيك؟ محمد: لا 12. كلود أبو ناضر: 12!! وقديش صار لك هون بالمؤسسة؟ محمد: 6 أشهر. كلود أبو ناضر: 6أشهر, وين كنت قبل؟ محمد: أنا أول شي كنت ببيتي، قام ظهرت من البيت رحت عالشارع جابوني لهون الدرك. كلود أبو ناضر: إي, رحت عالشارع وليه ظهرت من البيت يا محمد؟ محمد: كان بيي يضربني وهيك. كلود أبو ناضر: آ, فلّيت من البيت؟ وقديه قعدت بالشارع بتعرف قديه؟ محمد: مش كتير رحت عند الدرك نيّموني عندهم وهيك وجابوني لهون. كلود أبو ناضر: إنت بتحب ترجع عالبيت؟ محمد: بحب ارجع عند إمّي. كلود أبو ناضر: آ إمك مش مع بيّك؟ محمد: اليوم إجت إمي. كلود أبو ناضر: آ اليوم إجت؟ بس ما بتحب ترجع عند بيّك؟ محمد: لأ. كلود أبو ناضر: ليه؟ محمد: مهو بيظل يضربني. كلود أبو ناضر: قديه عشت بالشارع بتعرف؟ (سؤال لطفل آخر) الطفل: لأ.. كتير. كلود أبو ناضر: كتير, شو كنت تعمل بالشارع؟ الطفل : كنا عامل مريسة، مناكل من الحاويات. كلود أبو ناضر: من الحاويات؟ شو كنت تاكل من الحاويات؟ الطفل: لحمة ما لحمة. (يضحك) كلود أبو ناضر: إيه؟ الطفل: من الطازج. كلود أبو ناضر: وشو كنت تعمل كمان؟ الطفل: في هناك رفقاتي منروح نتسبّح ومنلعب مع بعض, منلعب مننتبه على بعض منحافظ على بعض. كلود أبو ناضر: من وين كنت تجيب مصاري لحتى تصرف تتقدر تروح تلعب وتنبسط؟ الطفل: مع رفقاتي. كلود أبو ناضر: كنت تجيب من رفقاتك مصاري؟ هن يعطوك مصاري؟ قديه يعطوك بالنهار يعني؟ قديه يعطوك؟ الطفل: بنقسمهن. كلود أبو ناضر: بتقسموهم بين بعضكم؟ من وين كنتو تجيبوهن؟ من وين كنتو تجيبو المصاري؟ تاخدوهم من مطرح؟ الطفل: لا, رفقاتي بجيبوهن؟ كلود أبو ناضر: آ وين كنتو تناموا بالليل, وين كنتو تناموا؟ الطفل: تحت الجسر. كلود أبو ناضر: بتعرف قديه صار لك بلبنان إنتَ؟ (سؤال لطفل آخر) الطفل: إي.. كلود أبو ناضر: قديش صار لك بلبنان؟ الطفل: خمس سنين, مع هاي شي شهرين, شي شهرين بصير ست سنين. كلود أبو ناضر: يعني كان عمرك خمس سنين وقت جيت علبنان, بتعرف مع مين جيت؟ وكيف جيت؟ الطفل: إي.. كلود أبو ناضر: كيف جيت على لبنان؟
|
